ბაჩო ახალაია სარალიძის ამბავს ეხმიანება

0
959
loading...
ბაჩო ახალაია სარალიძის ამბავს ეხმიანება

„ჩემო ძვირფასო ქართველებო!
ექვსი თვეა გულმოკლული ვადევნებ სარალიძეების ოჯახის ტრაგედიას თვალს. ექვსი თვეა აღარ მახსოვს პირადი გასაჭირი და ეს საკანი კიდევ უფრო პატარად და გაუსაძლისად მეჩვენება. უსამართლობის გრძნობა მახრჩობს და უსუსურობის განცდა მეუფლებოდა.
ეს ორი დღეა მე ისევ თვალცრემლიანი ვადევნებ პროცესებს თვალყურს, მაგრამ ცრემლი ამჯერად სიამაყისაა. პირველად ამ თვეების განმავლობაში ვიგრძენი რომ ამაყი ვარ საკუთარი ხალხით, ჩემი ქართველებით.
ერთის მხრივ მიჭირს ვუყურო შვილმკვდარ, გაუბედურებულ გმირ მამას, ზაზა სარალიძეს, ხოლო მეორეს მხრივ ამაყი ვარ იმით რომ ის მარტო არ დგას! ამაყი ვარ ჩემი მეგობრებით რომლებიც მას არ ტოვებენ, რომლებიც მას გვერდში უდგანან და ვიცი არასოდეს დატოვებენ მარტო!
ექვსი წელია ქვეყანა კრიმინალის, უსამართლობის, სიღარიბისა და განუკითხაობის მორევშია ჩართული. ექვსი თვეა ყველა ეს განსაცდელი ერთ ქართულ ოჯახს დაატყდა და ხელისუფლება ცინიკურად, გულგრილად და უგულოდ პასუხობს სამართლის მაძიებელ ოჯახს! მაგრამ გუშინ ხელისუფლება საქართველოში დასრულდა, იგი ხელში აიღო ქართველმა ხალხმა, რომელიც გახდება სამართლის აღმსრულებელი და შემოქმედი ახალ, გაბრწყინებულ საქართველოში.
მე თქვენთან ვარ სულიერად და პირობას გაძლევთ თქვენს გვერდში ვიქნები ფიზიკურადაც, ძალიან მალე, იმაზე ადრე ვიდრე ეს მავანს ჰგონია!
ზაზა გამაგრდი, ჩვენ შენთან ვართ! “
ბაჩო ახალაია

Facebook Comments